💐💐💐സൗഹൃദം 💐💐💐

എന്റെ പ്രിയപ്പെട്ട കൂട്ടുകാരൻ വിളിച്ചു പറഞ്ഞു. എടാ നമ്മുടെ ബാച്ചിന്റെ കോളേജ് സംഗമം നടക്കാൻ പോകുന്നു . 28 വർഷത്തിന് ശേഷമുള്ള കൂടിച്ചേരൽ . എന്റെ മനസ് പ്രീഡിഗ്രി കാലഘട്ടത്തുലൂടെ സഞ്ചരിച്ചു മനസിലൂടെ പല മുഖങ്ങളും മിന്നിമറഞ്ഞു . രണ്ട് മാസത്തോളം സമയമുണ്ടെങ്കിലും എനിക്കറിയാമായിരുന്നു ഇരുണ്ട ഭൂഖണ്ഡത്തിന്റെ ഈ കോണിൽ കിടക്കുന്ന എനിക്ക് എത്തിപ്പെടാൻ ബുദ്ധിമുട്ടായിരിക്കുമെന്നു.

കോളേജ് സംഗമത്തെ കുറിച്ചുള്ള ചിന്തകൾ എന്നെ ഭൂതകാലത്തിലേക്ക് കൊണ്ടുപോയി.
എന്നെ സംബന്ധിച്ചിടത്തോളം
പ്രീഡിഗ്രി ഒരു കയ്‌പേറിയ മറക്കാൻ പറ്റാത്ത അനുഭവം ആയിരുന്നു . ഇഷ്ടപെടാത്ത വിഷയം പഠിക്കാൻ പോയതിലുള്ള ദേഷ്യം , പുതിയതും പഴയതും ആയ കൂട്ടുകാരെയും മനസിലാക്കാൻ ശ്രമിക്കാതിരുന്ന ഞാൻ. അഹന്ത വിദ്വേഷം വെറുപ്പ് പിന്നെ 15 ദിവസത്തോളം സസ്പെന്ഷന് വാങ്ങിത്തന്ന കലാലയം . ഒരിക്കലും മനസ്സിൽ ഓർമ്മിചെടുക്കാൻ ഇഷ്ടപെടാത്ത ചില മുഖങ്ങൾ . എങ്കിലും കുറെ നല്ല കൂട്ടുകാരും എനിക്കുണ്ടായിരുന്നു . സസ്പെൻഷൻ കാലത്തു എന്നെ സഹായിച്ച കോളേജ് യൂണിയൻ ഭാരവാഹികൾ പിന്നെ കട്ടക്ക് കൂടെ നിന്ന ചങ്കുകൾ . ഇതൊക്കെ ആയിരുന്നു ഞാൻ.

ഇനി ഞാൻ എന്റെ അനുഭവത്തിലേക്ക് കടക്കാം .

പ്രീഡിഗ്രീ പഠിക്കുന്നകാലത്തുള്ള എന്റെ മാറ്റങ്ങൾ ശ്രദ്ധിച്ചിരുന്ന രണ്ടു കുട്ടുകാർ ഉണ്ടായിരുന്നു (വെറും 3 വർഷത്തെ പരിചയം മാത്രം). സ്കൂളിൽ പഠിക്കുമ്പോൾ(UP) ഞങ്ങൾ പരസ്പരം ആരിധിച്ചിരുന്ന കൂട്ടുകാർ. ഞാനാകട്ടെ അവരെ അറിയുന്ന ഭാവംപോലും കാണിക്കാത്ത ഒരു മുരടൻ (അങ്ങനെ പറയട്ടെ )സ്വഭാവം . കൈവിട്ടു പോയി എന്ന് കരുതിയ ഒരു നല്ല സൗഹൃദം .
കോളേജിന്റെ ആ സംഗമത്തിൽ ആണ് ആ തെറ്റിദ്ധാരണ മാറ്റാനുള്ള അവസരം ഉണ്ടായതു . എനിക്ക് പങ്കെടുക്കാൻ പറ്റാതിരുന്ന ആ സംഗമത്തിൽ എല്ലാവരെയും അന്വേഷിക്കാൻ ഞാനെന്റെ പ്രിയപ്പെട്ട കൂട്ടുകാരനോട് പറഞ്ഞു . അവൻ എല്ലാവരോടും എന്നെ കുറിച്ച് പറഞ്ഞു ചിലരോടൊക്കെ whatsup വഴി നേരിട്ട് സംസാരിക്കാനുള്ള അവസരവും ലഭിച്ചു . എന്നെ കുറിച്ച് ആ രണ്ടു പേരോടും സംസാരിച്ചു എന്റെ അന്വേഷണം അവരെ അറിയിച്ചു . ആ നല്ലവരായ കുട്ടുകാർ എന്നെ കുറിച്ച് നല്ലതു മാത്രം അന്വേഷിച്ചു . പരിചയമില്ലായ്മയോ അറിയാത്ത ഒരു ഭാവങ്ങളും അവരിൽ നിന്ന് ഉണ്ടായില്ല എന്ന് മാത്രമല്ല അവരുടെ നമ്പർ എനിക്ക് തരാൻ പറയുകയും ചെയ്തു .അന്ന് നേരിട്ട് സംസാരിക്കാൻ സാധിച്ചില്ലെങ്കിലും അവരുടെ ഫോൺ നമ്പർ എന്റെ പ്രിയകൂട്ടുകാരൻ എനിക്ക് അയച്ചു തന്നു .

എങ്ങനെ തുടങ്ങണം എന്ത് പറയണം എന്നറിയില്ല . ഞാൻ നേരിട്ട് രണ്ടു പേരെയും വിളിച്ചു . ഒരു പരിചയമില്ലായ്മയോ പരിഭവമോ അകൽച്ചയോ ഒന്നുമില്ലാതെ അവരെന്നെ അത്ഭുതപ്പെടുത്തി . കൈവിട്ടു പോയ ആ നല്ല സൗഹൃദം വീണ്ടും പുനർജനിച്ചു. അവർക്കൊരു പരിഭവമേ ഉണ്ടായിരുന്നുള്ളു . പ്രീഡിഗ്രി പഠിക്കുമ്പോൾ ഒരു സുഹൃത്ത് എന്ന രീതിയിൽ ഞാനവരോട് ഒരു പ്രാവശ്യം പോലും സംസാരിക്കാൻ മെനകെട്ടിലല്ലോ എന്ന് . എന്നിലുണ്ടായിരുന്ന മാറ്റങ്ങളുടെ കാരണങ്ങളും ക്ഷമാപണങ്ങളും നല്ല മനസുള്ള അവർക്ക് എന്നോടുള്ള മതിപ്പു കൂട്ടുകയേ ചെയ്തുള്ളൂ .

35 വർഷം കഴിഞ്ഞിട്ടും മറക്കാത്ത ആ സൗഹൃദം എനിക്ക് ഒരു അത്ഭുതം തന്നെ ആണ്. സംഗമം കഴിഞ്ഞു കുറച്ചു മാസങ്ങൾക്കുശേഷം അവരെയും ഫാമിലിയെയും നേരിട്ട് കാണാവാനും
ആ ആരാധനയെയും കൂടുതൽ ദൃഡമാക്കുവാനും കഴിഞ്ഞു .
എന്റെ ജീവിതത്തിൽ മറക്കാൻ പറ്റാത്ത അനുഭവവും നല്ല കൂട്ടുകാരും ആണ് അവർ.

നല്ല സൗഹൃദങ്ങൾ അനശ്വരങ്ങൾ ആണ് .

വിനോദ് ടാൻസാനിയ ✍